គយ និងរដ្ឋាករព្រមានចាត់ការតឹងរ៉ឹង ជនប្រើយានយន្តឥតពន្ធ
អគ្គនាយកដ្ឋានគយ និងរដ្ឋាករនៃក្រសួងសេដ្ឋកិច្ច និងហិរញ្ញវត្ថុ បានធ្វើការព្រមានចាត់វិធានការតឹងរ៉ឹងតាមផ្លូវច្បាប់ចំពោះជនមួយចំនួនដែលប្រើប្រាស់យានយន្តឥតពន្ធ និងកែច្នៃខុសបច្ចេកទេស ក្រោយពីសមត្ថកិច្ចបានធ្វើការអប់រំ និងផ្សព្វផ្សាយ ប៉ុន្តែនៅតែមានជនមួយចំនួន ប្រើប្រាស់យានយន្ដឥតពន្ធ និងកែច្នៃខុសបច្ចេកទេសដដែល។ លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករបានប្រាប់ភ្នំពេញប៉ុស្ដិ៍ម្សិលមិញថា កន្លងមកទោះបីជាមានការផ្សព្វផ្សាយ អប់រំណែនាំ និងចាត់វិធានការបង្ក្រាបបទល្មើសពីអាជ្ញាធរមានសមត្ថកិច្ចយ៉ាងណាក៏ដោយ ក៏អគ្គនាយកដ្ឋានគយ និងរដ្ឋាករសង្កេតឃើញថា សកម្មភាពទិញ-លក់ កាន់កាប់ ប្រើប្រាស់យានយន្ត បង្កាន់ដៃពន្ធយានយន្ត និងលតាបត្រក្លែងក្លាយបណ្ណសម្គាល់យានយន្តក្លែងក្លាយពាក់ស្លាកលេខក្លែងក្លាយ ការយកស្លាកលេខត្រឹមត្រូវទៅបំពាក់លើយានយន្តខុសច្បាប់ ឬខុសអត្តសញ្ញាណការដាក់លេខតួ ឬលេខម៉ាស៊ីន និងការកែច្នៃយានយន្តខុសបទដ្ឋានបច្ចេកទេសឬ ត ផ្គុំ ដំឡើងរថយន្តដោយគ្មានច្បាប់អនុញ្ញាតនៅតែកើតមាននៅឡើយ។ …
វ៉ន ដារ៉ា
https://bit.ly/38A9WsH
